பங்களாதேஷ் கிரிக்கெட் அணியின் தலைமைப் பயிற்றுநர் பதவியிலிருந்து ரசல் டொமின்கோ ராஜினாமா செய்துள்ளார் என அந்நாட்டு கிரிக்கெட் சபை அதிகாரிகள் இன்று அறிவித்துள்ளனர்.
இந்தியாவுடனான டெஸ்ட் தொடரில்; பங்களாதேஷ் தோல்வியுற்று 2 நாட்களின் பின்னர் ரசல் டொமின்கோவின் ராஜினாமா குறித்த அறிவிப்பு வெளியாகியுள்ளது.
இந்தியாவுடனான ஒருநாள் தொடரில் பங்களாதேஷ் 2:1 விகிதத்தில் வென்றது. எனினும், 2 டெஸ்ட் போட்டிகளிலும் தோல்வியுற்றது.
தென் ஆபிரிக்கரான ரசல் டொமின்கோ பங்களாதேஷ் அணி பயிற்றுநராக 2019 ஆம் ஆண்டு பதவியேற்றிருந்தார்.
நேற்று (செவ்வாய்) இரவு அவரின் ராஜினாமா கடிதம் கிடைத்தது. எமது அடு;த்த சுற்றுப்போட்டிக்கு முன்னர் புதிய பயிற்றுநர் ஒருவரை நியமிப்பதற்கான நடவடிக்கையை நாம் ஆரம்பித்துள்ளோம் என பங்களாதேஷ் கிரிக்கெட் சபையின் செயற்பாட்டுப் பிரிவு தலைமை அதிகாரிகளி ஜலால் யூசுப் தெரிவித்துளளார்.
எதிர்வரும் பெப்ரவரி மார்ச் மாதங்களில் இங்கிலாந்துடனான போட்டிகளில் பங்களாதேஷ் பங்குபற்றவுள்ளது.
பங்களாதேஷில் 3 ஒருநாள் சர்வதேச போட்டிகளிலும் 3 சர்வதேச இருபது20 இங்கிலாந்து போட்டிகளிலும் இங்கிலாந்து, பங்களாதேஷ் அணிகள் மோதவுள்ளன.
Post a Comment